Magkaugnay nga ba?

ni; Sarah Faulve

Tignan natin ang liwanag ng mundo.
Mundo na nagbibigay liwanag ng buhay.
Buhay na nag bibigay lakas sa ating katawan.
Katawan na nagbibigay tibok sa ating puso.
Puso na humahaplos sa ating mga damdamin.

Ang lahat ng bagay ay mag kaugnay!
Magkaugnay ang buhay ng tao sa mundo.
Katawan sa ating mga puso.
Puso sa ating mga damdamin.
Yan ang sinasabing Pagmamamahal.

Pagibig sa lahat ng tao dapat ibigay.
Tama bang dapat ibigay ito sa lahat?
Lalaki man ito o Babae?
Kahit sa kaparehas nitong kasarian?
Tama nga ba o mali?

Tila tayo ay nagkakamali!
Pagibig na hindi dapat sa kaparehas ang kasarian.
Ngunit sabi ng iba ito daw ay hindi mali!
Hindi mali dahil walang mali sa kanilng gingawa.
Sapagkat pagibig lamang.

Paano kaya natin ito huhusgahan.
Maling paghuhusga ba ang ating ginagawa?
O tama lamang upang ito'y maituwid.
Talaga nga bang magkaugnay ang lahat?
Lahat ng baay sa mundo!?

........Neneng........

ni: Sarah F. Faulve

Neneng ito ang tawag nila sa akin.
Tawag ng lahat ng taong nakakakilala sa akin.
Kahit hindi nila ako kilala.
Pangalang neneng pa rin ang sinasabi nila.
Yan ang tawag nila s akin.

Minsan naisip ko, bakit ng ba neneng?
Bakit neneng ang tawag nila sa akin?
Ito ba ang sumisimbolo ng aking kasarian?
Ito ba ay sumisimbolo ng aking pagkabata?
O sumisimbolo ng aking pagiging inosente?

Inosente, inosente o walang alam ang turing nila.
Sunod dito, sunod doon ang gawain ko noon.
Dahil sa walang alam si neneng,ganoon nalang nila abusuhin?
Bakit nga ba inaabuso si neneng?
Neneng na walang alam at isang babae lamang?

Ngunit ngayon si neneng ay hindi na ganun.
Neneng na may alam na sa mundo.
Mundo na pinaiikutan ng ibat- ibang tao.
Taong nang aabuso sa kakayahan ni neneng.
Neneng na iisang babae lamang noon.

Babaeng puno at umaapaw ng kaalaman.
May pakialam s mundo ng lahat.
May obligasyon sa mundong kanatitirikan.
May pagmamahal sa mundo.
May katapatan sa mundo!

"Si Lalaki at Si Babae"

Ni: Sarah F. Faulve

Lalaking Macho! Babaeng Sexy!
Babaeng Macho? Lalaking Sexy?
Si Malakas! Si Mahina!
Si Gwapo at Si Maganda.

Paano nga ba nagkapantay? Sabi nila ang lalaki daw ay haligi ng tahanan. Paano kung mawala ang haligi? Ano na kaya ang mangyayari? Magiging pilay na ba ang bahay o babagsak na ba ito dahil walang sumusuporta dito at ang ilaw ng tahanan ay mababasag na lamang ng tuluyan kapag bumagsak ang tahanan? Masisira na ba ang lahat ng mga gamit na nasa loob ng tahanan kapag nawala ang haligi? Paano naman kung ang ilaw ng tahan ang mawala? Magiging madilim na ba ang tahanan? Hindi na ba makakakita ng liwanag ang mga gamit nito sa loob ng tahanan? Hindi na ba nito maliliwanagan ang haligi ng tahanan at hindi na ba nito makikita ang liwanagng kanyang tahanan? Paano nga ba ito nagkapantay?!

Sabi nila ang mga babae daw dapat ay nasa loob ng bahay lamang at taga pag alaga ng mga anak. Minsan nga ang tawag sa mga babae ay "tiga o taga", tiga hugas ng plato, tiga luto ng pagkain, taga linis ng bahay at iba pa. Ang babae daw ay dapat taga gabay lang sa mga anak nito at palakihin nito ang kanyang mga anak nga maayos. Ang babae daw ay dapat nasa bahay lamang at hindi maaring magtrabaho. Kailan nga ba nagkapantay?!

Ang lalaki daw ay dapat tagapagdisiplina sa mga anak nito. Siya din daw ang magtratrabaho sa pamilya nito. Siya ang dapat magdesisyon sa bahay, kung baga ang lalakidaw ay ang dapat masunod sa lahat ng bagay. Kailan nga ba nagkapantay?!

Minsan sinsabi nila na kapag si misis ang masusunod sa tahanan ay " Under de Saya" si mister. Kapag si mister naman ang nasusunod lagi sa bahay ay "Hari" naman kung tawagin ang lalaki.

Paano at kailan ba magkakaroon ng pagkakapantay na pagtingin sa babae at lalaki? Magkakaroon pa nga ba ng pagkakapantay na pagtingin sa magkaibang kasarian? Ito ang mga tanong na maiiwan sa ating isipan kaya ito ay ating dapat tuklasin.