Lalaki o Babae ni Samantha Karen D. Morano

Lalaki o babae?

Isa sa mga ilang katanungan

Marami na ang makakalat sa lansangan

Ngunit ano nga ba talaga ang kanilang tunay na kasarian

Lalaki nga ba o Babae?

Tatanggapin ba sila, kung sila'y gitna

O sadyang babasura ang kanilang sariling kagustuhan

Mahirap magdesisyun;

Kung ikaw mismo ay naguguluhan

saan ka lulugar?

Sinasabing sa mundong ito ikaw ay malaya

Kasama sa karapatan ng tao ang magkaroon ng kalayaan

Ngunit kasama ba sa karapatan ang mamili ng kasarian

O sadyang sariling kagustuhan lamang ang kailangan pakinggan

Ano dapat ang gagawin?

Ano nga ba ang pipiliin?

Ano nga ba ang nakakalamang?

Ang kasarian na mula pa noon pinanganak

O ang minimithi na kasarian?

Kailangan ng pagdesisyunan

MEDUSA ni Benilda S. Santos

Siya na nakapantalon

at mainit ang hininga

inihiga ako sa gilid ng mundo

at tiningnan nang tiningnan

hanggang sa mangalisag

ang aking buhok

at sa tinding galit at takot

maging ahas ang bawat isa sa kanila

gutom na gutom

sa lasa ng laman

ng labing may pawis ng pagnanasa

hanggang sa madurog

ang aking puso

at sa di mapatid na sakit at pait

maging bato ito

malamig na malamig ang pintig

ngayong lupang latag na latag na

ang aking katawan

sa ilalaim ng malulupit mong talumpakan

ikaw naman ang aking titingnan nang titingnan

hanggang sa matuyo ka sa apoy ng aking mga mata

at sipsipin ng bawat ahas kong buhok

ang bawat patak ng dugo sainyong mga uga

at masimot ang kaliit-liitang kutob ng buhay

Namamangha ka sa liyab ng aking higanti?

Ay! Ikaw ang guro ko't hari at lalaki

Ang Grupong Kanan

Ang websayt na ito ay naglalayong buksan ang kaisipan ng bawat mambabasa patungkol sa isyung pangkasarian at kulturang Pilipino. Maaaring magkaugnay sa isa't isa at maaari rin namang magkaibang talakay. Tunghayan ninyo ang kahusayan ng mga mag-aaral ng AB Filipinolohiya, grupong kanan, sa pagsisipi ng mga akdang kikintal sa inyong mga puso at magmumulat sa inyong mga mata't diwa patungkol sa isyung tatalakayin.

Paunang pananalita pa lamang ito. Abangan ang mga susunod na babasahin. Magandang araw!