Ano Ka Nga Ba? Ni: Catherine B. Moncayo

Ano ka nga ba?

Babae o lalaki?

Sa lipunang iyong ginagalawan,

Batid mo ba kung saan ka nabibilang?

Saan nga ba? 

Ilang beses na bang sinubukan

Tunay na pagkatao mo'y patunayan,

Sa mga mapaghushagang mga mata

Paano mo ito kinakaya?

Paano nga ba?

Ngunit bakit nga ba nagkaganyan

Pagkatao mo'y naging talliwas sa iyong kasarian, 

Ito ba'y iyong kapalaran

O sadya ng sariling kagustuhan?

Bakit nga ba?

Ikaw kaya'y makakaranas

Pag-ibig na sadyang wagas,

O magiging bulag na lamang 

Sa pag-ibig na nais maranasan

Mararanasan nga ba?

Ano ka nga ba talaga?

Babae o lalaki,

Ano man ang maging kasagutan

Sana'y makamtan ang tunay na kaligayahan

Ang tulad mo ay hindi tunay na salot sa lipunan

" Mana " ni Larry Anthony R. Gameng

"Mana"

Mga Pinoy ay maraming namana

Mga mana na galing pa ng iba't ibang bansa

Mga mana na mula sa Japan at Tsina

Pati na ri mula sa Korea at Espanya

Mga mana na hindi na yata maaring mawala

Noong ako'y bata pa at nasa elementarya

Tinatakbo ko mula paaralan hanggang bahay kapag uwian na

Mahabol lang ang "Anime" ng Japan na "Flame of Recca"

At tuwing meryenda na ay pupunta kay Aling Nena

Bibili ng lumpia ng Tsina at isasawsaw sa sili't suka

At ng ako'y nasa ika-apat na taon ng sekondarya sa aming probinsya

Nahilig ang mga kaklase ko sa kantang "Nobody" ng mga Koreana

Tayo'y nagdiriwang ng pasko at pista ng mga santo at santa

Dahil narin sa impluwensya ng mga taga Espanya

Ilang lang ang mga yan sa mga naging parte ng ating kultura

Ay Bading !? ni Larry Anthony R. Gameng

Ay Bading !?

Puso'y pambabae

Katawa'y panlalaki

Kung gumalaw at manamit ay parang si ate

At pag sila'y tumili, para kang mabibingi

Kapag sila'y humataw sa pagsayaw ay mistulang mga bulate

Sa Timog, Silangan, Norte pati Kanluran

Sila'y nagliliparan

Bilang nila'y patuloy na nadaragdagan

Sa mga parlor sila ay nagkukumpulan

Sila ang nagpapaganda sa mga taong tila wala ng pag-asa

Kung sila'y magtsikahan ay parang ilang taon na hindi nagkitakita

At pag sila na ang nagpatawa

Tiyak na tatawa ka ng bonggang-bongga

Yan ang talento nilang walang wakas at kupas

Bilang nila'y higit pa sa isla ng Pilipinas

Mga lalaking humihiling na sana sila'y naging babae rin

Sila'y mga bading kung tawagin

Ngunit bakit may mga taong sakanila'y masama ang tingin

Mga taong sila'y talipandas kung ituring

Salot nga ba silang maituturing ?

KULTURA: kaugnayan sa wika, lipunan at mamamayan

Ang kultura ay siyang nagbubunsod upang ang isang tao ay kumilos ng ayon sa kanyang ginagawa at tuloy nagbibigkis sa mga miyembro ng lipunan. Sinasabi na ang kultura at lipunan ay magkaugnay sapagkat hindi maaaring lumitaw ang isa kung wala yaong isa pa.

Marami pang kaugnayan ang kultura tulad na lamang ng wika kung saan ang wikang simboliko ay ang pundasyon ng kultura ng tao. Masasabi kong pundasyon sapagkat sa pamamagitan ng wika, ang kultura ay naisasalin ng isang tao sa kanyang kapwa tao o ng isang henerasyon sa susunod na henerasyon.

Ano nga ba ang kultura? Ano nga ba ang kaugnayan nito sa mga tao? Masasabi kong napakahalaga ng kultura sapagkat kaakibat nito ang lahat. Nakadikit na ito sa wika, lipunan at mga mamamayan. Kung walang kultura, hindi makukumpleto ang mga ito sapagkat dahil sa kultura nagkakaroon ng pagkakakilanlan ang bawat lipunan kaya gayon na lamang kaimportante ang kultura sa lipunan at sa iba pang bagay.

Ang kultura ay nagbabago. Nagbabago sa paraan na umaasenso o mas humihigit pa, kung tawagin nga’y “ nag-improve” ito. Sapagkat umaagapay ito sa pagbabago ng panahon, unti-unti itong nagiging moderno at ang dating kultura ay malimit na lamang nagagamit pero ng dahil sa dating kultura at makabago na rin ay nagkakaroon ng pagkakakilanlan ang isang lipunan at napaggbubuklod nito ang mga mamamayan.

Ngunit kung hindi natin magagamit ang pinagmamalaking kultura para saan pa para gawin itong modernisado, hindi rin naman ito magagamit sa pagkakakilanlan at pagbubuklod ng mga mamamyan , sa halip baka ito pa ang maging dahilan para tuluyan maglahong imahen ng kultura

Binabae ni Jeremhae Agoncillo

Lalaki nga ba o babae?

Katawan niya'y malaki

Matikas kung manamit

Hindi mo aakalaing sweet

Lalo na sa mga taong may lawit

Bakit nga ba nagkaganon?

Kasaria'y bigla nagbago

Nag-evolve ng todo-todo

Kung dati rati'y tinatago

Ngayo'y lantaran kung magbago

Nahihiya sa una

Bibigay din sa makalawa

Ang pagbabago'y ginusto niya

Ngunit kasaria'y tanggap nga ba?

Lalo na sa lipunang ginagalawan niya

Dapat ba itong ikahiya o ipagmalaki?

Ang lipunan ngayon ay ibang iba sa dati

Di pa man kilala, uulanan ka na ng husga

Magkamali ka't ito'y pupunahin ng iba

Gumawa ka ng tama't ito'y babaliwalain lang nila

Pagbabago sa kasaria'y pagpapakatotoo sa sarili

Kaya't sila'y di masisisi 

Tao lang din sila't nagkakamali

Batuhan mo man ng husga't panlalait

Ika'y matatahimik na lamang at baka manliit