O, Maria Clara
Ingatan ang puso mong dalisay
Huwag hayaang mabahiran ng dugo
Huwag pahintulutang malinlang ng maling tao
O, Maria Clara
Kilala mo ba si Maria Ozawa?
Katawan niya ay ibinebenta
Upang magkalaman ang sikmura
O, Maria Clara
Ipag-igib mo ng tubig ang iyong asawa
Ipagluto mo ng pagkain ang inyong mga anak
Abutan mo siya ng pera para sa kanyang yosi at alak
O, Maria Clara
Hindi dapat nangyari ang mga ito
Kung sa panliligaw pa lamang ay binusisi na ang kanyang puso
Pakay ay pagtatalik, pagmamahal ay nakatirik
Kung sa panliligaw pa lamang ay binusisi na ang kanyang puso
Pakay ay pagtatalik, pagmamahal ay nakatirik
O, Maria Clara
Makinig ka sa iyong magulang
Iwanan ang taong sanhi nang paghihirap
Iwanan ang taong sanhi nang paghihirap
Ang katawan mo'y binaboy, ang puso mo'y sinaktan
O, Maria Clara
Gumising ka na
Huwag ipahiya ang lahing pinagmulan
Ikaw ay isang Pilipina
No comments:
Post a Comment